­

icon-5 Lajmet e fundit

Kryetari i Kuvendit z. Ruçi uroi shkrimtarin z.Ismail Kadare, për Çmimin e Karrierës Akademike së Shkencave të Shqipërisë për vitin 2017

Kryetari i Kuvendit z. Ruçi uroi  shkrimtarin z.Ismail Kadare, për Çmimin e Karrierës Akademike së Shkencave të Shqipërisë për vitin 2017

Kryetari i Kuvendit të Shqipërisë, z. Gramoz Ruçi uroi shkrimtarin e mirënjohur z. Ismail Kadare, për Çmimin e Karrierës Akademike së Shkencave të Shqipërisë për vitin 2017.

Nëpërmjet një letre drejtuar z. Kadare, Kryetari i Kuvendit z. Ruçi, e cilësoi shkrimtarin si margaritar të kombit shqiptar, i cili është në Olimpin e letrave dhe të shkencës. “Ju jeni ngjitur në Olimpin e letrave dhe të shkencës dhe prej andej ndriçoni historinë, të sotmen dhe të ardhmen e shqiptarëve. Letërsia, kultura dhe qytetërimi shqiptar janë sot të njohur sepse në to është skalitur emri Ismail Kadare. Ju jeni ndër margaritarët e kombit dhe na bëni të ndihemi të gjithë krenar si bashkëkombësit, bashkëkohësit dhe lexuesit Tuaj”,- shkruan ndër të tjera z. Ruçi.

Letra e plotë e Kryetarit të Kuvendit z. Gramoz Ruçi

Ismail Kadare

Tiranë

Shumë i nderuari zoti Kadare,

Përjetova me gëzim të veçantë shpalljen Tuaj si fituesi i Çmimit të Karierrës të Akademisë së Shkencave të Shqipërisë për vitin 2017.

Ky Çmim i shtohet gjerdanit të vlerësimeve e çmimeve për veprën Tuaj letrare dhe kontributin intelektual në Shqipëri, Europë dhe në globin mbarë.

Rrallë herë ndodh në kohën e sotme që krijimtaria e famshme letrare e njohur botërisht, kontributi intelektual plot finesë, vepra e thellë studimore e akademike, identiteti dhe vizioni europian, simbolet e vlerat kombëtare, dhe dedikimi shoqëror e qytetar të bashkohen në një individ të vetëm, si në rastin Tuaj. Ju jeni ngjitur në Olimpin e letrave dhe të shkencës dhe prej andej ndriçoni historinë, të sotmen dhe të ardhmen e shqiptarëve.

Letërsia, kultura dhe qytetërimi shqiptar janë sot të njohur sepse në to është skalitur emri Ismail Kadare.

Ju jeni ndër margaritarët e kombit dhe na bëni të ndihemi të gjithë krenar si bashkëkombësit, bashkëkohësit dhe lexuesit Tuaj.

Po Ju shkruaj me mirënjohje të pafund këtë letër si një ndër lexuesit dhe adhuruesit e panumërt të Veprës Tuaj.

Me respekt të thellë,

Gramoz Ruçi

22 Qershor 2018|

Kuvendi zhvillon punimet në seancë plenare

 

Në drejtimin e Kryetarit z. Gramoz Ruçi, Kuvendi u mblodh sot në seancë plenare, për të shqyrtuar dy projektligje dhe tre raportime vjetore.

Gjatë punimeve të seancës raportuan Kryetari i Autoritetit të Mbikëqyrjes Financiare z. Ervin Koçi dhe Avokatja e Popullit znj. Erinda Ballanca. Në fjalën e tyre përpara deputetëve kryetarët e dy institucioneve bën prezantimin e veprimtarisë së institucioneve përkatëse për vitin 2017.

Seanca miratoi me 71 vota pro dhe 1 kundër Raportin vjetor të veprimtarisë së Autoritetit të Mbikëqyrjes Financiare për vitin 2017  dhe me 72 vota pro dhe 2 kundër Raportin vjetor të veprimtarisë së Avokatit të Popullit për vitin 2017.

Projektligji “Për pagesën e detyrimeve të prapambetura në favor të Bankës Evropiane për Rindërtim dhe Zhvillim (BERZH)” u miratua me 72 vota ‘pro’ dhe 3 ‘kundër’.

Ndërsa projektligjit “Për një ndryshim në ligjin nr.7918, datë 13.4.1995, “Për miratimin me ndryshime të dekretit nr.1030, datë 23.2.1995, “Për emetimin dhe shpërndarjen e  bonove të privatizimit (lekë privatizimi)” dhe dekretit nr.1049, datë 27.3.1995, “Për disa plotësime në dekretin nr.1030, datë 23.2.1995, “Për emetimin dhe shpërndarjen e bonove të privatizimit”” u miratua me 72 vota ‘pro’ dhe 1 ‘kundër’.

Seanca miratoi me 72 vota ‘pro’ dhe 1 ‘kundër’ projektvendimin “Për një ndryshim në vendimin nr.19/2016 “Për miratimin e strukturës, organikës dhe kategorizimin e pozicioneve të punës të Autoritetit të Mediave Audiovizive (AMA)””

Shqyrtimi i raporteve vjetore të institucioneve të Autoritetit mbi Dokumentet e ish-Sigurimit të Shtetit për vitin 2017, Këshillit Drejtues të RTSH dhe Komisionit të Prokurimit Publik për vitin 2017 u shtyn për shqyrtim në seancën e radhës.

Seanca i mbylli punimet rreth orës 12:10.

 

21 Qershor 2018|

Kryetari i Kuvendit të Shqipërisë, z. Gramoz Ruçi shtroi një darkë për delegacionin e Asamblesë së Përgjithshme të 51-të të Parlamenteve të Bashkëpunimit Ekonomik të Detit të Zi (PABSEC)

20 qershor 2018

20 Qershor 2018|

Komisioni për Punën, Çështjet Sociale dhe Shëndetësinë zhvilluan seancë dëgjimore me grupet e interesit për projektligjin “Për disa shtesa dhe ndryshime në ligjin nr. 9669, datë 18.12.2006, “Për masa ndaj dhunës në marrëdhëniet familjare”, të ndryshuar. “

20 qershor 2018

Komisioni për Punën, Çështjet Sociale dhe Shëndetësinë, në cilësinë e komisionit për dhënie mendimi, në drejtimin e kryetarit, z. Petrit Vasili, zhvilloi një seancë dëgjimore për projektligjin “Për disa shtesa dhe ndryshime në ligjin nr. 9669, datë 18.12.2006, “Për masa ndaj dhunës në marrëdhëniet familjare”, të ndryshuar”

Të pranishëm në dëgjesë ishin përfaqësues të Rrjetit të Monitorimit Kundër Dhunës me Bazë Gjinore, konkretisht: znj. Blerta Cani, drejtore ekzekutive e Fondacionit për të Drejtat e Personave me Aftësi të Kufizuara; znj. Oltiana Andrea, avokate në Qendra Të Drejtat e Njeriut në Demokraci; znj. Iris Aliaj nga Qendra për Nisma Ligjore Qytetare; znj. Irena Shtraza si menaxhere programi në AWEN.

Gjithashtu, në dëgjesë morën pjesë përfaqësues të Qendrës për Mbrojtjen e të Drejtave të Fëmijëve në Shqipëri-CRCA, përkatësisht: z. Altin Hazizaj, Rrjeti Kombëtar “Vepro për Fëmijët” dhe CRCA Shqipëri; z. Mirgit Vataj nga ALO 116 Shqipëri; znj. Blerta Balilaj Brovina, drejtore e Rrjetit të Demokracisë së Grave, si edhe përfaqësues nga Ministria e Shëndetësisë dhe Mbrojtjes Sociale. 

Një ditë më parë nismën ligjore në komision e prezantoi ministrja e Shëndetësisë dhe Mbrojtjes Sociale, znj. Ogerta Manastirliu. Përfaqësuesit e ndryshëm të organizatave pjesëmarrëse në dëgjesë paraqitën sugjerimet e tyre lidhur me projektligjin.

20 Qershor 2018|
Te Gjitha

projektligje

libraria-e-akteve

icon-13 Kontakto deputetin tënd

Deputetet Iniciale