Zbatimi i legjislacionit të BE-së për shoqëritë tregtare dhe përmbushja e kërkesave të MSA-së, si dhe kërkesave të tjera që burojnë nga zhvillimi ndërkombëtar në këtë fushë janë objektivat kryesore që synohet të përmbushen me ndryshimet e propozuara në ligjin bazë “Për tregtarët dhe shoqëritë tregtare”.

Ministri i Financave tha se buxheti i rishikuar vjen si një eksperiencë e konsoliduar e qeverisë në përpjekjet e saj për të përmirësuar menaxhimin e financave publike. Në fjalën e tij përpara deputetëve zoti Ridvan Bode theksoi se nuk do të preket programi i rritjes së pagave dhe pensioneve.

Gjatë vitit 2010 Agjencia e Sigurimit të Depozitave ka ndikur në rritjen e qëndrueshmërisë së sistemit bankar, në forcimin e besimit të publikut në skemën e sigurimit të depozitave në Shqipëri, si dhe në shmangien e riskut të humbjes së kursimeve të tyre si pasojë e falimentimit të mundshëm të ndonjë banke, duke kontribuar në rritjen e mirëqenies ekonomike të vendit.

Komisioni mori në shqyrtim dhe miratoi edhe projektligjin “Për aderimin e Republikës së Shqipërisë në ndryshimet e neneve të marrëveshjes së Fondit Monetar Ndërkombëtar për zgjerimin e përfaqësimit dhe të pjesëmarrjes, si dhe për zgjerimin e autoritetit investues të fondit”.