Deputetët miratuan projektligjin “Për disa ndryshime dhe shtesa në ligjin nr.8588, datë 15.3.2000, “Për organizimin dhe funksionimin e Gjykatës së Lartë të Republikës së Shqipërisë”, projektligjin “Për nëpunësin civil”, si dhe propozimet për reformën parlamentare. (Projektvendimi “Për shtesa dhe ndryshime në Rregulloren e Kuvendit”si dhe Projektligji për disa shtesa dhe ndryshime në ligjin nr. 8550,datë 18.11.1999 “Statusi i deputetit”, i ndryshuar”). Miratimi i këtyre ligjeve hap dritën jeshile për marrjen e statusit të vendit kandidat për Shqipërinë.

Seanca plenare miratoi sot Aktin normativ nr.2 “Për rivlersimin e pasurisë së paluajtshme” dhe Aktin normativ nr.3 “Për ratifikimin e marrëveshjes së huasë, ndërmjet Këshillit të Ministrave të Republikës së Shqipërisë dhe Fondit për Zhvillim ABU DHABI, për financimin e projektit të bulevardit verior dhe të rehabilitimit të Lumit të Tiranës”.

Krahas projektligjeve të rëndësishme në fushën e ekonomisë, energjisë, etj., Kuvendi miratoi sot edhe projektligjin “Për disa shtesa në ligjin nr.7895, datë 27.01.1995 “Kodi penal i Republikës së Shqipërisë”, të ndryshuar”, që forcon masat kundër krimeve të rënda.

Kuvendi miratoi edhe kërkesën e një grupi deputetësh për ngritjen e një komisioni hetimor dhe caktimin e objektit, afatit dhe përbërjes së tij për hetimin e fakteve, rrethanave dhe përgjegjësive për incidentin e ndodhur më 24 prill, 2013 pranë Akademisë Diplomatike të Vjenës.

Kuvendi miratoi edhe dekretet e Presidentit të Republikës për emërimin e zotit Admir Thanza dhe zotit Tom Ndreca si anëtarë të Gjykatës së Lartë, për emërimin e zotit Xhezair Zaganjori si Kryetar të Gjykatës së Lartë, si dhe dekretin për emërimin e zotit Fatos Lulo si anëtar i Gjykatës Kushtetuese.

Seanca plenare miratoi dekretet e Presidentit të Republikës për ndryshimet në kabinetin qeveritar

Kuvendi miratoi edhe dekretin e Presidentit të Republikës për emërimin e zotit Xhezair Zaganjori si anëtar të Gjykatës së Lartë, si dhe dy dekrete për emërimin e zotit Besnik Imeraj dhe të zotit Gani Dizdari si anëtarë të Gjykatës Kushtetuese.

Kuvendi miratoi, ndër të tjera, një sërë projektligjesh të rëndësishme në fushën e mjedisit dhe energjisë, ndër të cilat edhe marrëveshjen për projektin për Gazsjellësin Trans Adriatik (Projekti TAP).

Kryetarja e Kuvendit ftoi sërish opozitën që të japë konsensusin edhe për tre ligjet që do t’i mundësonin Shqipërisë marrjen e statusit të vendit kandidat, duke u shërbyer në këtë mënyrë interesave të të gjithë shqiptarëve. “Ju ftoj të votojmë tre ligjet për marrjen e statusit. Ju treguat që për Pustecin votoni me 3/5. Të njëjtën shumicë kërkojnë edhe tre ligjet e statusit,” tha Kryetarja e Kuvendit.

Në përfundim të debatit, Kuvendi miratoi të gjitha projektligjet e sipërpërmendura. Sërish, Kryetarja e Kuvendit, Jozefina Çoba Topalli ftoi opozitën që të votojë tre ligjet e integrimit, të cilat janë të përfshira në axhendën e çdo seance plenare.

Sërish, Kryetarja e Kuvendi u bëri thirrje deputetëve të opozitës që të votojnë propozimet e reformës parlamentare, projektligjin “Për nënpunësin civil”, si dhe projektligjin “Për disa ndryshime dhe shtesa në ligjin nr. 8588, datë 15.3.2000, “Për organizimin dhe funksionimin e Gjykatës së Lartë të Republikës së Shqipërisë”, miratimi i të cilave do të hapte dritën jeshile për marrjen e statusit të vendit kandidat për në Bashkimin Europian.

Kuvendi miratoi me 70 vota pro propozimin e Presidentit të Republikës për emërimin e zonjës Zana Xhuka në krye të Inspektoriatit të Lartë të Deklarimit dhe Kontrollit të Pasurive.

Në mbyllje të seancës, Kryetarja e Kuvendit ftoi edhe njëherë opozitën për të votuar tre projektligjet e kërkuara nga Bashkimi Europian dhe që do të hapnin dritën jeshile për marrjen e statusit të vendit kandidat.

Në hapje të votimit për projektligjet e parashikuara në rendin e ditës së seancës së sotme plenare, Kryetarja e Kuvendit, Jozefina Çoba Topalli përsëriti ftesën e saj në adresë të opozitës për të votuar tre ligjet e integrimit. Kryetarja e Kuvendit u shpreh se në ditët e fundit të sesionit dhe përpara festave të fundvitit do ishte mirë që opozita të votonte për këto ligje, jo për mazhorancën, por për vendin dhe qytetarët shqiptarë.

Pas diskutimeve nga ana e deputetëve të mazhorancës dhe opozitës, me 72 vota pro, Kuvendi miratoi në tërësi projektligjin “Për buxhetin e vitit 2013”.

Jozefina Çoba Topalli: “Kemi rastin sot që si deputetë të bëjmë korrigjimet e duhura, sepse nuk mund të lejojmë kurrë që numërimi i fillimit të legjislaturave, ndryshe nga çdo vend tjetër i botës, në kundërshtim me të gjitha kriteret ligjore, shkencore apo zakonet parlamentare të fillojë nga ’46-ta. Sot është gjithashtu një rast për të nxjerrë nga errësira një pjesë të rëndësishme të historisë së legjislacioneve shqiptare që sistemi komunist nuk i njihte.”