Mblidhet Konferenca e Kryetarëve.

Kryetarja e Kuvendit, znj. Jozefina Topalli thirri  sot Konferencën e Kryetarëve për të hartuar kalendarin për shqyrtimin e nismës  së ndryshimeve Kushtetuese për imunitetin e zyrtarëve të lartë.

Nisma është marrë nga një grup i deputetëve të maxhorancës  dhe është depozituar me datë 6 korrik 2012.

Sipas Rregullores, trupa që shqyrton amendamentet  Kushtetuese përbëhet nga Këshilli i Legjislacionit dhe Komisioni për Çështjet Ligjore nën drejtimin e Kryetarit të Kuvendit, Rregullorja parashikon zhvillimin e mbledhjes jo më herët se dy javë nga depozitimi  nismës.

Për këtë arsye Konferenca e Kryetarëve caktoi datat 20-21 korrik 2012, si data për shqyrtimin e nismës dhe zhvillimin e dëgjesave  me ekspertë konstitucionalistë.

Konferenca e Kryetarëve përcaktoi dt. 6 gusht 2012 si datë për shqyrtimin e nismës në seancë plenare.

Kryetarja e Kuvendit, në cilësinë e drejtueses të mbledhjes të Këshillit për Legjislacionin dhe Komisionit për Çështjet Ligjore,  mirëpret konstitucionalistët për një qëndrim pro aktiv në shqyrtimin e kësaj nisme  për ndryshimet Kushtetuese.

Nisma ligjore për ndryshimet kushtetuese është e publikuar në faqen zyrtare të Kuvendit dhe u është shpërndarë  të gjithë deputetëve.

  Nisma ligjore për ndryshimet kushtetuese (kliko ketu)