Sipas propozimit, afati i legalizimit të kapitalit dhe falja e një pjese të borxhit tatimor dhe doganor shtyhet deri në fund të këtij viti. Ky propozim u vlerësua nga mazhoranca si një inisiativë e suksesshme dhe mundësi e shtuar për përkrahjen e biznesit dhe kategorive të tjera të popullsisë.

“Ne, tha Jozefina Topalli, jemi të angazhuar për zgjedhjet më transparentet dhe më të mirat që Shqipëria ka pasur ndonjëherë. Kam ftuar të gjithë Asambletë Parlamentare për të sjellë numrin më të madh të parlamentarëve për të vëzhguar zgjedhjet në Shqipëri."

“Kemi miratuar me konsensus kuadrin zgjedhor, duke reflektuar në të, të gjitha rekomandimeve të OSBE/ODIHR, bazuar mbi propozimet e opozitës”, tha Kryetarja e Kuvendit. Në lidhje me çështjen e KQZ-së, zonja Jozefina Topalli tha se: “Jemi të gatshëm të mbledhim Parlamentin në çdo moment për të votuar tre emrat për vendet e lëna bosh nga Partia socialiste dhe opozita.”