Kryetarja e Kuvendit, Jozefina Topalli priti në takim Misionin parazgjedhor të Asamblesë Parlamentare të Këshillit të Evropës.

Kryetarja e Kuvendit falenderoi për mbështetjen në forcimin e kapacitetetve të administratës dhe deputetëve së Kuvendit për përafrimin e legjislacionit dhe përmirësimin e funksioneve mbikqyrse të Kuvendit të Shqipërisë. Ajo theksoi se integrimi europian është objektiv prioritar i Kuvendit të Shqipërisë dhe të gjithë institucioneve Shqiptare. Ne, tha ajo, jemi të angazhuar maksimalisht për projektin e Shqipërisë Europiane.

Mbi 100 ekspertë të parlamenteve të Hungarisë, Francës dhe shteteve anëtare të BE, përgjatë 18 muajve, trajnuan me seminare, konferenca, vizita pune e studimore, brenda dhe jashtë Shqipërisë, deputetët dhe administratën e Kuvendit shqiptar. Projekti përfshiu shumë drejtime të punës dhe jetës parlamentare si: përafrimi më eficent i legjislacionit vendas me atë të BE, përmirësimin e funksioneve mbikqyrëse legjislative, praktikave parlamentare, procesit të ligjbërjes, teknologjisë dixhitale të Parlamentit, transparencës, komunikimit, menaxhimit të burimeve njerëzore etj.

Deputetët miratuan projektligjin “Për disa ndryshime dhe shtesa në ligjin nr.8588, datë 15.3.2000, “Për organizimin dhe funksionimin e Gjykatës së Lartë të Republikës së Shqipërisë”, projektligjin “Për nëpunësin civil”, si dhe propozimet për reformën parlamentare. (Projektvendimi “Për shtesa dhe ndryshime në Rregulloren e Kuvendit”si dhe Projektligji për disa shtesa dhe ndryshime në ligjin nr. 8550,datë 18.11.1999 “Statusi i deputetit”, i ndryshuar”). Miratimi i këtyre ligjeve hap dritën jeshile për marrjen e statusit të vendit kandidat për Shqipërinë.