Këto amendamente kishin të bënin me kapacitetet e financimit të fushatës elektorale, të subjekteve politike. Amendamentet konsistojnë në reformimin e parimeve dhe kritereve të financimit të fushatës elektorale si dhe të burimeve publike dhe private të saj.

Në seancën e sotme u miratua Projektvendimi për ngritjen, caktimin e objektit, të përbërjes dhe afatit të komisionit hetimor, për shqyrtimin e kërkesës për nisjen e procedurës së shkarkimit nga detyra të Zëvendëskryetarit të Këshillit të Lartë të Drejtësisë z. Kreshnik Spahiu”.

Ky Komision Hetimor Parlamentar ka për objekt dhe detyrë të verifikojë të dhënat, faktet dhe rrethanat për aktet dhe sjelljet që diskreditojnë rëndë pozitën dhe figurën e postit të lartë kushtetues të Zëvendëskryetarit të KLD-së dhe që përbëjnë shkak ligjor për shkarkimin e tij nga detyra.

“53 rekomandimet e ODIHR-it janë reforma jonë zgjedhore” tha Kryetarja e Kuvendit. Ndërsa Zoti Pilgrim,tha se “Shqipëria ka një progres shumë evident përsa i përket kuadrit ligjor dhe rritjes së standardeve zgjedhore.”